日期：2010年 2月 13日
時間：23:40(119 分鐘 )
地點：APM1
入場原因：
都鐘意睇魔幻片
故事：
大神宙斯的神火被偷，半人半神的主角波西被視為最大嫌疑犯．在指定時間不能找回神火的話．天神就會大戰，世界亦會．．．
我的評分：C－
看完這套電影，第一個感覺就是哈利波特低俗版．為什麼要和哈仔比較，因為這套電影無論在故事，角色，細節等好多地方都比同哈利波特有點相似，只不過不是魔法而是希臘神話．我沒有看過這本小說，但這套電影的劇情及情節卻十分兒嬉低俗．首先，宙斯竟然甘容易比個二打六偷到神火，如果好難偷又唔解釋點偷；點解希臘故事背景但天堂既入口，地獄既出口全部係美國？；主角搵第三粒珠既時候去賭場已經九唔搭八，最後粒珠重要發現係輪盤到；地獄個女人為左想放假幫助主角仲要想攪埋隻羊男（好低俗）等等．．不能盡錄．而角色方而除左男主角好少少之外，女主角身為雅典娜個女又肥又無氣質，個羊男就好似榮恩的作用一樣．．攪笑，但成日講埋Ｄ美式低俗笑話，但sorry我唔識笑．不過如果不理情節合理與否，要求不高的話，這套電影都可算做到沒有冷場．
哈利波特粉絲：Ｄ （睇到眼火爆）
睇特技的人： Ｃ＋ （一般荷里活基本水平）
沒有留言:
張貼留言