風雲II (The Storm Warriors)- 成套戲入了魔

日期:2009年12月12日
時間:21:40 ( 110分鐘)
地點:海運戲院

故事: **詳細故事內容**
為了對付絕無神[風][雲]要提升功力-->[風]領悟了新劍術;
[雲]入了魔道--->打嬴絕無神--->[風][雲]對決.....完

我的評分: E
(本年度三大爛片之一,和龍珠＆拳霸2齊名)

簡單地講套戲可以話:
無頭 -如果沒有睇開場白,你可能會以為遲左一半入場.
無尾 -好似連續劇收尾一樣,突然間停左出字幕.
無劇情-簡單到可以一句講完...〔打絕無神.兩位主角再打...完〕
無場景-個個景都差不多,都係又黑又暗有些石頭既電腦景.
無對白- 對白少到我相信每個演員收到劇本既時候都唔會多過一張紙.
　　　　特別是兩位女主角來來去去都係....[風大哥]..[雲大哥]..
無交代- 相信無睇過漫畫既人唔會明套戲講咩,就算睇過第一集電影既人
　　　　都唔會明.第二夢(阿sa)個角色出場出得不明不白,絕心更加
　　　　搶搶下條龍骨之後就失左蹤..

多慢鏡- 無次打之前兩位主角都要定格鏡擺post之後再逐格慢播. D血同
　　　　D水跌落地都要定鏡比你睇清楚.相信如果用返正常速度可以早
　　　　50分鐘收工.
多近鏡- 勁多近鏡,特別係打交既時候.所以你唔會睇得清楚佢地點打.
多CG - 多但唔好睇,無氣勢又無新意.

以下的人可能會覺得....
有看漫畫的人: D　(因為可能起碼知道佢地做緊咩 )
睇特技的人: E 　(早知留返D錢睇阿凡達)
消磨時間的人: Ｆ（睇既時候Ｄ時間仲好似好左好多甘）
風雲的粉絲：．．．．（有第三集都唔知睇唔睇好）