72家租客-台慶鬧劇水準

日期：2010年2月7日
時間：17:00（99 分鐘）
地點：ＵＡ朗豪坊４

入場原因：

今個星期沒有新戲，只[花田]同[[72]的優先場.二選一下唯有
選[72]

故事:
學友同志偉本來係老友但因為爭靚靚反目成仇. 各自在西洋菜街開了手提電話店,鬥過你死我活.腐液彈徒出現 西洋菜剩各租客齊心協力,最後學友同志偉的恩怨亦化解..

我的評分: D+

因為是賀歲片,所以都沒有太大要求.只求熱熱鬧鬧有得笑.而這套賀歲片的而且確十分熱鬧,但問題是熱鬧過頭.因為太多演員的關係,除了主角之外每位演員都只是現一現身,演員之多就好似睇萬千星輝賀台慶一樣.而其中回憶主角青年時的一段,就如歡樂今宵一樣,雖然可以說是集體回憶,但出來的效果只覺得老套沒趣.整套電影的頭半小時主要描述二位主角鬥sale電話同sale明星多,沒有重心東一忽西一忽沒有連貫的感覺,到後段集中講幾位主角後情況才有所改善.但是整齣電影的感覺就如看全台無線藝員做一齣鬧劇同你拜年一樣.雖然有不少笑位,但是大多的情節和笑料仍如停留在80年代一樣. 不過值得一讚是條迷你西洋菜街做得幾好.如果你要求不高新年好得閒又多利是的話都可以入場一看.

以下的人可能會覺得...

TVB既忠實粉絲: A (好開心,可以係大螢幕見到全台藝員)

只求新年開開心心:B- ( 有一些位都可以笑下,起碼好過家有喜事2009)

諗住笑餐飽: B/C ( 睇你笑得出幾多而定 )